Qazaqstan Respýblıkasy Ulttyq Banki Basqarmasynyń qaýlysy  №33 

2016 jylǵy 28 qańtar, Almaty qalasy «Tólem kartochkalaryn shyǵarý jáne paıdalaný nusqaýlyǵyn bekitý týraly» Qazaqstan Respýblıkasy Ulttyq Banki Basqarmasynyń 2000 jylǵy 24 tamyzdaǵy №331 qaýlysyna ózgerister men tolyqtyrýlar engizý týraly «Qazaqstan Respýblıkasynyń keıbir zańnamalyq aktilerine ekinshi deńgeıdegi bankterdiń jumys istemeıtin kredıtteri men aktıvteri, qarjylyq qyzmetter kórsetý jáne qarjy uıymdary men Qazaqstan Respýblıkasy Ulttyq Bankiniń qyzmeti máseleleri boıynsha ózgerister men tolyqtyrýlar engizý týraly» 2015 jylǵy 24 qarashadaǵy Qazaqstan Respýblıkasynyń Zańyn iske asyrý maqsatynda Qazaqstan Respýblıkasy Ulttyq Bankiniń Basqarmasy qaýly etedi: 1. «Tólem kartochkalaryn shyǵarý jáne paıdalaný nusqaýlyǵyn bekitý týraly» Qazaqstan Respýblıkasy Ulttyq Banki Basqarmasynyń 2000 jylǵy 24 tamyzdaǵy № 331 qaýlysyna (Normatıvtik quqyqtyq aktilerdi memlekettik tirkeý tiziliminde № 1260 tirkelgen) mynadaı ózgerister men tolyqtyrýlar engizilsin: taqyryby mynadaı redaksııada jazylsyn: «Tólem kartochkalaryn shyǵarý qaǵıdalaryn, sondaı-aq Qazaqstan Respýblıkasynyń aýmaǵynda olardy paıdalana otyryp júrgiziletin operasııalarǵa qyzmet kórsetý boıynsha qyzmetke qoıylatyn talaptardy bekitý týraly»; 1-tarmaq mynadaı redaksııada jazylsyn: «1. Qosa berilip otyrǵan Tólem kartochkalaryn shyǵarý qaǵıdalary, sondaı-aq Qazaqstan Respýblıkasynyń aýmaǵynda olardy paıdalana otyryp júrgiziletin operasııalarǵa qyzmet kórsetý boıynsha qyzmetke qoıylatyn talaptar (budan ári – Qaǵıdalar) bekitilsin jáne Qaǵıdalar qoldanysqa engizilgen kúnnen bastap úsh aı ótken soń qoldanysqa engiziletin 35-tarmaǵyn qospaǵanda, olar Qazaqstan Respýblıkasynyń Ádilet mınıstrliginde memlekettik tirkelgen kúnnen bastap eki aptalyq merzim ótken soń qoldanysqa engizilsin.»; 2-tarmaqtyń 1) jáne 2) tarmaqshalary mynadaı redaksııada jazylsyn: «1) Zań departamentimen (Sháripov S.B.) birlesip osy qaýlyny jáne Qaǵıdalardy Qazaqstan Respýblıkasynyń Ádilet mınıstrliginde memlekettik tirkeýden ótkizý sharalaryn qabyldasyn; 2) Qazaqstan Respýblıkasynyń Ádilet mınıstrliginde memlekettik tirkeýden ótken kúnnen bastap eki aptalyq merzimde osy qaýlyny jáne Qaǵıdalardy Qazaqstan Respýblıkasy Ulttyq Bankiniń ortalyq apparatynyń múddeli bólimshelerine jáne aýmaqtyq fılıaldaryna jibersin.»; 3-tarmaq mynadaı redaksııada jazylsyn: «3. Qazaqstan Respýblıkasy Ulttyq Bankiniń aýmaqtyq fılıaldary osy qaýlyny jáne Qaǵıdalardy ekinshi deńgeıdegi bankterge jáne bank operasııalarynyń jekelegen túrlerin júzege asyratyn uıymdarǵa jibersin.»; kórsetilgen qaýlymen bekitilgen Tólem kartochkalaryn shyǵarý jáne paıdalaný nusqaýlyǵynda: taqyryby mynadaı redaksııada jazylsyn: «Tólem kartochkalaryn shyǵarý qaǵıdalary, sondaı-aq Qazaqstan Respýblıkasynyń aýmaǵynda olardy paıdalana otyryp júrgiziletin operasııalarǵa qyzmet kórsetý boıynsha qyzmetke qoıylatyn talaptar»; 1, 2 jáne 3-tarmaqtar mynadaı redaksııada jazylsyn: «1. Osy Tólem kartochkalaryn shyǵarý qaǵıdalary, sondaı-aq Qazaqstan Respýblıkasynyń aýmaǵynda olardy paıdalana otyryp júrgiziletin operasııalarǵa qyzmet kórsetý boıynsha qyzmetke qoıylatyn talaptar (budan ári – Qaǵıdalar) tólemderdi tólem kartochkalaryn paıdalana otyryp júzege asyrý kezinde tólem kartochkalaryn shyǵarý tártibin, sondaı-aq Qazaqstan Respýblıkasynyń aýmaǵynda olardy paıdalana otyryp júrgiziletin operasııalarǵa qyzmet kórsetý boıynsha qyzmetke qoıylatyn talaptardy aıqyndaıdy. 2. Qaǵıdalar zańdy tulǵanyń qyzmetkerlerine ǵana qyzmet kórsetýge arnalǵan osy zańdy tulǵanyń tólem kartochkalary júıelerine qoldanylmaıdy. 3. Qaǵıdalarda «Aqsha tólemi men aýdarymy týraly» 1998 jylǵy 29 maýsymdaǵy Qazaqstan Respýblıkasy Zańynyń (budan ári – Tólem týraly zań) 3-babynda, «Baılanys týraly» 2004 jylǵy 5 shildedegi Qazaqstan Respýblıkasy Zańynyń 2-babynda kózdelgen uǵymdar, sondaı-aq mynadaı uǵymdar paıdalanylady: 1) avtorızasııa – emıtenttiń tólemdi tólem kartochkasyn paıdalana otyryp júzege asyrýǵa ruqsat berýi. Avtorızasııany alý rásimi tólem kartochkalary júıesine qatysýshylar arasynda jasalǵan sharttarǵa sáıkes belgilenedi; 2) aldyn ala tólengen tólem kartochkasy – ustaýshysyna bastapqy ustaýshysy aldyn ala engizgen jáne emıtenttiń shoǵyrlandyrylǵan shotynda esepteletin aqsha somasy sheginde tólemderdi júzege asyrý jáne/nemese qolma-qol aqshany alý múmkindigin beretin tólem kartochkasy. Aldyn ala tólengen tólem kartochkalaryna mıkroprosessorlyq kartochka nemese osyndaı kartochkanyń nemese arnaıy elektrondyq quraldyń ustaýshysyna tólemderdi jáne ózge operasııalardy júzege asyrýǵa múmkindik beretin qoljetimdi aqsha somasy týraly aqparat saqtalatyn ózge arnaıy elektrondyq qural jatpaıdy. Aldyn ala tólengen tólem kartochkasynda onyń ustaýshysyn sáıkestendirýge múmkindik beretin derektemeler bolmaıdy; 3) aldyn ala tólengen tólem kartochkasyn tolyqtyrý – emıtentke tólemderdi júzege asyrý jáne/nemese qolma-qol aqshany alý úshin buryn shyǵarylǵan (qoldanystaǵy) aldyn ala tólengen tólem kartochkasyn paıdalaný kózdeletin shekte aqsha somasyn aldyn ala tólengen tólem kartochkasyn shyǵarýmen baılanysty emes qosymsha engizý; 4) baılanyssyz tólem kartochkasy – ustaýshysyna tólemderdi operasııa júrgizý sátinde tólem kartochkasynyń jáne elektrondyq termınaldardyń nemese ózge qondyrǵylardyń naqty tııýin talap etpeıtin, symsyz baılanys tehnologııasyn paıdalaný negizinde baılanyssyz tásilmen júzege asyrýǵa múmkindik beretin tólem kartochkasy; 5) bankomat – tólem kartochkalaryn ustaýshylarǵa qolma-qol aqshany alýǵa jáne tólem kartochkalaryn paıdalana otyryp emıtenttiń basqa da qyzmetterin paıdalanýǵa múmkindik beretin elektrondy-mehanıkalyq qurylǵy; 6) debettik kartochka – ustaýshysyna klıenttiń bank shotyndaǵy aqsha somasy sheginde tólem jasaýǵa múmkindik beretin tólem kartochkasy. Debettik kartochkasyn ustaýshyǵa emıtent bergen banktik qaryz somasy sheginde tólemderdi júzege asyrýyna múmkindik berýge bolady; 7) derbes sáıkestendirý nómiri – tólem kartochkasyn ustaýshyǵa beriletin jáne tólem kartochkasyn ustaýshyny sáıkestendirýge arnalǵan qupııa kod; 8) kásipker – ózi jetkizetin taýarlardyń jáne/nemese qyzmetterdi tóleý boıynsha qolma-qol aqshasyz tólemdi júzege asyrý úshin tólem kartochkalaryn qabyldaıtyn dara kásipker nemese zańdy tulǵa; 9) klıent – emıtentpen tólem kartochkasyn berý týraly shart jasasqan jáne bank shotynyń ıesi bolyp tabylatyn jeke nemese zańdy tulǵa; 10) korporatıvtik tólem kartochkasy – zańdy tulǵanyń ýákiletti ókiline emıtent pen zańdy tulǵa-bank shoty ıesiniń arasynda jasalǵan tólem kartochkasyn berý týraly shart negizinde beriletin tólem kartochkasy. Korporatıvtik tólem kartochkasyn paıdalana otyryp tólem jasaý zańdy tulǵanyń bank shotyndaǵy aqsha somasy jáne/nemese osy zańdy tulǵaǵa berilgen banktik qaryz somasy sheginde júzege asyrylady. Korporatıvtik tólem kartochkasyn ustaýshy zańdy tulǵanyń-bank-shoty ıesiniń ýákiletti ókili bolyp tabylady; 11) kredıttik kartochka – ustaýshyǵa emıtent pen klıent arasynda jasalǵan banktik qaryz shartynyń talaptarymen emıtent bergen banktik qaryz somasy sheginde tólemdi júzege asyrýǵa múmkindik beretin tólem kartochkasy; 12) prosessıng – tólem kartochkalaryn paıdalana otyryp tólemderdi jáne basqa da operasııalardy júzege asyrǵan kezde qalyptasatyn aqparatty jınaýǵa, óńdeýge jáne berýge baılanysty qyzmet; 13) prosessıng uıymy – prosessıngti, sondaı-aq tólem kartochkalary júıesine qatysýshylarmen jasalǵan sharttarda kózdelgen ózge de fýnksııalardy júzege asyratyn tólem kartochkalary júıesine qatysýshy; 14) saýda chegi – tólem kartochkasyn paıdalana otyryp tólemdi júzege asyrý faktisin rastaıtyn qujat; 15) slıp – kásipkerdiń nemese ekvaıerdiń tólem kartochkasyn paıdalana otyryp tólemdi júzege asyrý kezinde qaǵaz tasymaldaǵyshta jasalatyn tólem qujaty; 16) tólemdik emes qosymshalar – tólemderdi júzege asyrýmen, qolma-qol aqsha berýmen jáne tólem kartochkasynda ornalastyrylatyn/iske asyrylatyn banktik qyzmet kórsetýlerdiń ózge túrlerin kórsetýmen baılanysty emes qosalqy qosymshalar/fýnksııalar; 17) tólem kartochkalary júıesine qatysýshy – jasalǵan sharttarǵa sáıkes belgili bir tólem kartochkalary júıesiniń tólem kartochkasyn paıdalana otyryp aqy tóleý kezinde jasalǵan tólem qujatyn berý, óńdeý jáne/nemese oryndaý boıynsha mindettemeler týyndaıtyn jeke nemese zańdy tulǵa; 18) tólem kartochkalaryn berý – tólem kartochkasyn ustaýshyǵa emıtenttiń tólem kartochkalaryn jáne olardyń derbes sáıkestendirý nómirlerin berý prosesi nemese tólem kartochkasyn ustaýshyǵa emıtenttiń onyń derektemeleri týraly aqparatty berýi; 19) tólem kartochkalaryn shyǵarý – ustaýshylaryna tólem kartochkasyn berý týraly shart negizinde ne aldyn ala tólengen tólem kartochkalaryn berý kezinde mundaı shart jasamaı-aq tólem kartochkalaryn berýdi kózdeıtin operasııa; 20) tólem kartochkalarynyń júıesi – tólem kartochkalaryn paıdalana otyryp tólemderdi júzege asyrýdy qamtamasyz etetin baǵdarlamalyq-tehnıkalyq quraldardyń, qujattamanyń jáne uıymdastyrý-tehnıkalyq is-sharalardyń jıyntyǵy; 21) tólem kartochkasy – elektrondyq termınaldar nemese ózge qurylǵylar arqyly aqshaǵa qol jetkizý quraly, onda tólem kartochkasyn ustaýshyǵa tólemdi júzege asyrýǵa, qolma-qol aqsha alýǵa, valıýtalardy aıyrbastaýǵa jáne tólem kartochkasynyń emıtenti belgilegen ári sonyń talaptarymen basqa operasııalardy júrgizýge múmkindik beretin aqparat bolady. Tólem kartochkasy debettik kartochka jáne kredıttik kartochka bolyp bólinedi; 22) tólem kartochkasyn berý týraly shart – tólem kartochkasy berýge negiz bolatyn emıtent pen jeke nemese zańdy tulǵa arasynda jasalatyn shart; 23) tólem kartochkasyn buǵattaý – tólem kartochkasyn paıdalana otyryp tólemderdi júzege asyrýǵa tolyq nemese ýaqytsha tyıym salý; 24) tólem kartochkasyn paıdalaný – tólem kartochkasyn ustaýshysynyń ol ne onyń derektemeleri arqyly tólemder jasaýmen, qolma-qol aqshany alýmen, valıýtalardy aıyrbastaýmen baılanysty operasııalardy jáne tólem kartochkasynyń emıtenti aıqyndaǵan jáne onyń talaptarymen basqa operasııalardy júzege asyrýy; 25) tólem kartochkasyn ustaýshy – tólem kartochkasyn berý týraly shartqa sáıkes tólem kartochkasyn paıdalanýǵa quqyǵy bar nemese eger tólem kartochkasy aldyn-ala tólengen bolsa, oǵan tikeleı ıelik etýshi jeke tulǵa; 26) tólem kartochkasynyń derektemeleri – tólem kartochkasynyń onyń ustaýshysyna jáne/nemese emıtentine jáne tólem kartochkalarynyń júıesine tıesiligin belgileýge múmkindik beretin tólem kartochkasyndaǵy jáne/nemese emıtenttiń aqparattyq júıesinde saqtalatyn tólem kartochkalarynyń nómirin, qoldanylý merzimin, júıesiniń ataýyn qamtıtyn aqparat; 27) ekvaıer – tólemdi tólem kartochkasyn paıdalana otyryp júzege asyrǵan kezde kásipkermen jasalǵan shart talaptaryna jáne/nemese kásipkerde jasalǵan tólem qujatynyń talaptaryna sáıkes kásipkerdiń paıdasyna kelip túsken aqshany qabyldaýǵa jáne/nemese kásipkermen jasalǵan shartta kózdelgen ózge de is-áreketterdi oryndaýǵa tıisti bank nemese bank operasııalarynyń jekelegen túrlerin júzege asyratyn uıym (budan ári – bank). Qolma-qol aqshany berýdi jáne/nemese osy banktiń klıentteri bolyp tabylmaıtyn tólem kartochkalaryn ustaýshylarǵa tólem kartochkalaryn paıdalana otyryp tólemder men aqsha aýdarymdaryn júzege asyrý jónindegi ózge qyzmetterdi júzege asyratyn bank te ekvaıer bolyp tabylady; 28) emıtent – tólem kartochkalaryn shyǵarýdy júzege asyratyn bank, bas bank nemese enshiles bank, sondaı-aq «Qazaqstan Respýblıkasyndaǵy bankter jáne bank qyzmeti týraly» 1995 jylǵy 31 tamyzdaǵy Qazaqstan Respýblıkasynyń Zańyna sáıkes tólem kartochkalaryn shyǵarýdy júzege asyrǵan banktiń aktıvteri men mindettemeleri oǵan berilgen jaǵdaıda ıelenýshi bank; 29) emıtenttiń shoǵyrlandyrylǵan shoty – emıtent ashqan jáne aldyn ala tólengen tólem kartochkalaryn paıdalana otyryp júzege asyrylatyn operasııalardy esepke alýǵa arnalǵan ishki shot.»; 6-2-tarmaq mynadaı redaksııada jazylsyn: «6-2. Emıtentter aldyn ala tólengen tólem kartochkalaryn shyǵarýdy, taratýdy jáne qyzmet kórsetýdi Qaǵıdalarǵa sáıkes ózderi ázirlegen jáne bekitken ishki qujattarynyń negizinde júzege asyrady. Emıtent aldyn ala tólengen tólem kartochkalaryn ustaýshylardyń aqshasyn esepke alý úshin emıtenttiń shoǵyrlandyrylǵan shotyn ashady.»; 6-4-tarmaq mynadaı redaksııada jazylsyn: «6-4. Emıtent belgilengen somaǵa aldyn ala tólengen tólem kartochkasyn Qaǵıdalardyń 6-3-tarmaǵynda aıqyndalǵan mólsher sheginde shyǵarady, ony aldyn ala tólengen tólem kartochkasynda kórsetýge bolady. Belgilengen nomınaly bar aldyn ala tólengen tólem kartochkasy tolyqtyrylýǵa jatpaıdy.»; mynadaı mazmundaǵy 6-7-tarmaqpen tolyqtyrylsyn: «6-7. Bir tólemdi ony bólý/bólshekteý arqyly ishinara ne eki jáne odan astam tólem kartochkasyn paıdalana otyryp tolyq júzege asyrýǵa bolmaıdy.»; 7-tarmaq mynadaı redaksııada jazylsyn: «7. Tólem kartochkasyn berý týraly shartta myna talaptar: 1) tólem kartochkasyn berý talaptary, onyń ishinde emıtenttiń tólem kartochkasyn ustaýshyǵa nemese onyń ýákiletti adamyna tólem kartochkasyn jáne derbes sáıkestendirý nómirin berý talaptary bolady. Derbes sáıkestendirý nómirin berý jónindegi talap shyǵarylýy emıtenttiń tólem kartochkasyn ustaýshyǵa onyń derektemeleri týraly aqparatty usynýy arqyly elektrondyq túrde júzege asyrylatyn tólem kartochkasyna qoldanylmaıdy; 2) tólem kartochkasyn paıdalana otyryp tólemderdi júzege asyrý talaptary; 3) tólemderdi bank shotynyń valıýtasynan erekshelenetin valıýtadaǵy tólem kartochkasyn paıdalana otyryp júzege asyrǵan kezde qoldanylatyn shetel valıýtalaryn aıyrbastaý baǵamyn belgileý tártibi; 4) tólem kartochkasyn paıdalana otyryp júzege asyrylǵan tólemder jáne ózge de operasııalar týraly úzindi-kóshirmeni usyný tártibi; 5) qosymsha tólem kartochkalary beriletin adamdardyń tizimi nemese adamdar tizimine silteme (tólem kartochkasyn berý týraly sharttyń negizinde túrli ustaýshylarǵa birneshe tólem kartochkasyn bergen kezde); 6) tólem kartochkasyn alýdyń, buǵattaýdyń jáne qaıta shyǵarýdyń tártibi men talaptary; 7) tólem kartochkasynyń jáne/nemese tólem kartochkasyn berý týraly sharttyń qoldanylý merzimi; 8) klıenttiń ótinishin qaraý jáne klıentke tólem kartochkasyn paıdalana otyryp jasalǵan ruqsat etilmegen tólem boıynsha zııandy ótinishti qaraý jáne zııandy óteý merzimderin kórsete otyryp óteý tártibi; 9) ótinishterdi qaraý jáne yqtımal zııandy óteý merzimderin kórsete otyryp, klıentterdiń ótinishterin qaraý tártibi; 10) taraptardyń quqyqtary men mindetteri; 11) taraptardyń jaýapkershiligi; 12) klıentterge tólem kartochkasyn berý týraly shartqa engiziletin ózgerister jáne/nemese tolyqtyrýlar týraly habarlaý tásili jáne qyzmet kórsetý komıssııasynyń mólsheri bolady. Emıtent tólem kartochkasyn berý týraly shartty onyń mazmunyn tikeleı oqýdy jáne ony tólem kartochkalaryn ustaýshylar úshin emıtenttiń qoljetimdi ornynda jáne/nemese emıtenttiń resmı ınternet-resýrsynda ornalastyrýdy qamtamasyz etetin nysanda baıandaýdy qamtamasyz etedi, sondaı-aq olardyń talaby boıynsha qaǵaz nemese elektrondyq nysanda usynady. Emıtent klıentke tólem kartochkasyn berý týraly shartta belgilengen tásilmen, onyń ishinde aqparatty emıtenttiń resmı ınternet-resýrsynda ornalastyrý jáne/nemese klıent kórsetken elektrondyq poshtanyń mekenjaıyna, uıaly baılanys qurylǵysyna qysqa mátindik jáne/nemese mýltımedııalyq habarlar jiberý arqyly habarlaıdy, tólem kartochkasyn berý týraly shartqa engiziletin ózgerister jáne/nemese tolyqtyrýlar jáne qyzmet kórsetý komıssııasynyń mólsheri týraly tólem kartochkasyn berý týraly shartqa sáıkes olar kúshine engizilgen kúnge deıin kúntizbelik on bes kún buryn keshiktirmeı habarlaıdy. Emıtent habarlamada klıenttiń tólem kartochkasyn berý týraly shartqa engiziletin ózgerister jáne/nemese tolyqtyrýlar qoldanylatyn kúnge deıin tólem kartochkasyn berý týraly shartqa sáıkes shartty buzǵany úshin qosymsha komıssııany tóleýsiz ony buzý múmkindigi týraly kórsetedi. Emıtent klıenttiń ótinishterin, onyń ishinde tólem kartochkasyn paıdalanýmen baılanysty daýly jaǵdaılar týyndaǵan kezde tólem kartochkasyn berý týraly shartqa sáıkes belgilengen merzimderde, biraq osyndaı ótinishterdi alǵan kúnnen bastap kúntizbelik otyz kúnnen aspaıtyn merzimde qaraıdy. Operasııany tólem kartochkasyn paıdalana otyryp Qazaqstan Respýblıkasynyń beırezıdent bankiniń jelisinde jasaǵan jaǵdaıda, klıenttiń ótinishin qaraý merzimderiniń emıtent osyndaı ótinishterdi alǵan kúnnen bastap kúntizbelik otyz kúnnen asýyna, biraq kúntizbelik otyz kúnnen astam merzimge aspaýyna ruqsat beriledi, bul týraly klıenttiń ótinishin qaraý merzimi uzartylǵan kúnnen bastap kúntizbelik úsh kún ishinde klıentke jazbasha nysanda habarlanady.»; 8-tarmaq mynadaı redaksııada jazylsyn: «8. Emıtent tólem kartochkasyn bergen kezde tólem kartochkasyn ustaýshyny tólem kartochkasyn paıdalanýdyń ishki qujattarymen tanystyrady.»; 12-tarmaq mynadaı redaksııada jazylsyn: «12. Emıtent aınalystaǵy tólem kartochkalarynyń nómirleri jáne ózge de derektemeleri bar ózi bergen tólem kartochkalarynyń tizilimin júrgizedi. Emıtent berilgen kartochkalardyń tiziliminde qosymsha aqparattyń bolýyn jáne osy tizilimdi júrgizý nysanyn derbes aıqyndaıdy.»; mynadaı mazmundaǵy 12-1-tarmaqpen tolyqtyrylsyn: «12-1. Emıtent klıentke onyń tólem kartochkasynyń qoldanylý merziminiń aıaqtalǵany jóninde ol aıaqtalǵan kúnge deıin kúntizbelik on kún buryn tólem kartochkasyn berý týraly shartta belgilengen tásilmen habarlaıdy.»; 4-taraýdyń taqyryby mynadaı redaksııada jazylsyn: «4. Tólem qujattaryn jasaýǵa qoıylatyn talaptar»; 24-tarmaq mynadaı redaksııada jazylsyn: «24. Tólem qujaty tólem kartochkalary júıesiniń qatysýshylary arasynda elektrondyq túrde jáne/nemese qaǵaz tasymaldaǵyshta jasalady jáne beriledi. Qaǵaz tasymaldaǵyshtaǵy tólem qujatynyń negizinde jasalǵan elektrondyq tólem qujatynda qaǵaz tasymaldaǵyshta jasalǵan qujattar úshin ǵana mindetti bolyp tabylatyn derekteme­lerdi qospaǵanda, qaǵaz tasymaldaǵyshta jasalǵan tólem qujatynda kórsetilgen barlyq derektemeler bolady.»; 27 jáne 28-tarmaqtar mynadaı redaksııada jazylsyn: «27. Tólem qujatynda myna derektemeler: 1) tólem qujatynyń nómiri, ony jazý kúni, aıy jáne jyly; 2) kásipkerdiń jáne/nemese ekvaıerdiń tolyq ataýy (kody); 3) tólem kartochkasynyń derektemeleri; 4) tólem somasy; 5) tólem valıýtasy; 6) tólem kartochkasyn ustaýshynyń qoly (qaǵaz tasymaldaǵyshta jasalǵan tólem qujattary úshin); 7) kásipkerdiń nemese ekvaıerdiń ýákiletti adamynyń qoly (qaǵaz tasymaldaǵyshta jasalǵan tólem qujattary úshin); 8) tólem maqsatynyń kody bolady. 28. Kásipkerdiń paıdasyna tólemdi júzege asyrý úshin tólem kartochkasyn paıdalana otyryp tólem jasalǵanyn rastaıtyn tólem qujattary ekvaıer jáne kásipker arasyndaǵy shartta belgilengen tártipte ekvaıerge beriledi. Tólem qujatynda tólem kartochkalary júıesine qatysýshylar arasynda jasalǵan sharttarda belgilengen qosymsha derektemeler bolýyna jol beriledi.»; 5-taraýdyń taqyryby mynadaı redaksııada jazylsyn: «5. Tólem kartochkalaryn paıdalana otyryp tólemderdi júzege asyrýǵa qoıylatyn talaptar»; 34-1-tarmaq mynadaı redaksııada jazylsyn: «34-1. Tólem kartochkalaryn paıdalana otyryp júzege asyrylatyn barlyq tólemder, aldyn ala tólengen tólem kartochkalaryn qospaǵanda (klıenttiń bank shotyndaǵy aqsha somasy sheginde, sondaı-aq emıtent usynǵan zaem somasy sheginde) klıentterdiń bank shottarynda kórsetiledi. Aldyn ala tólengen tólem kartochkalaryn paıdalana otyryp júzege asyrylatyn tólemder emıtenttiń shoǵyrlandyrylǵan shotynda kórsetiledi. Emıtent jáne klıent arasynda jasalǵan tólem kartochkasyn berý týraly sharttyń negizinde berilgen tólem kartochkalarynyń bir nemese túrli júıelerinde birneshe tólem kartochkalaryn paıdalana otyryp júzege asyrylǵan tólemderdi bir bank shotynda kórsetýge ruqsat beriledi. Bank shotynyń valıýtasynan erekshelenetin valıýtada tólem kartochkasyn paıdalana otyryp tólemdi júzege asyrǵan kezde emıtent tólem kartochkasyn paıdalana otyryp tólemdi júzege asyrý kezinde jasalǵan emıtentke tólem qujaty kelip túsken kúni men ýaqytynda emıtenttiń qoldanystaǵy shetel valıýtasyn aıyrbastaý baǵamyn qoldana otyryp klıenttiń bank shoty boıynsha kórsetýdi júzege asyrady.»; 35-4 jáne 36-tarmaqtar mynadaı redaksııada jazylsyn: «35-4. Prosessıng uıymyna ekvaıermen jáne kásipkerlermen jasalǵan sharttardyń talaptaryna sáıkes tólem kartochkalaryna qyzmet kórsetýdiń menshikti jelilerin qurýyna jol beriledi. 36. Tólem qujatyn oryndaý úshin ony berý jáne usyný tártibi 1999 jylǵy 1 shildedegi Qazaqstan Respýblıkasy Azamattyq kodeksiniń (Erekshe bólim), Tólem týraly zańnyń talaptaryna jáne tólem kartochkalary júıesine qatysýshylar arasynda jasalǵan sharttarǵa sáıkes belgilenedi. Qaǵıdalardyń 36-1-tarmaǵynda kózdelgen jaǵdaıdy qospaǵanda, ekvaıerden basqa, alýshy banktiń tólem qujatyn oryndaýy ony alǵan kúnnen bastap úsh jumys kúninen keshiktirmeı júrgiziledi.»; 38-tarmaq mynadaı redaksııada jazylsyn: «38. Eger bul talap emıtent pen klıent arasynda jasalǵan tólem kartochkasyn berý týraly shartta kózdelse, emıtent avtorızasııa somasyna bank shotyndaǵy aqshany buǵattaıdy. Bul jaǵdaıda tólem kartochkasyn berý týraly shartta bank shotynda aqshany buǵattaý talaptary men merzimderi bolady. Tólem kartochkalary júıesine qatysýshylar arasynda jasalǵan sharttarǵa sáıkes emıtentke tólem qujattary kelip túsken kezde emıtent shyǵarǵan tólem kartochkasyn paıdalana otyryp jasalǵan operasııa boıynsha ekvaıerge aqshany óteý úshin avtorızasııa nátıjeleri boıynsha emıtenttiń aqsha somasyn tóleý boıynsha mindettemesi týyndaıdy. Avtorızasııa tólem kartochkalary júıesiniń ishki qujattarynda kózdelgen jaǵdaılarda júzege asyrylmaıdy. Emıtentke klıenttiń bank shotynan tólemderdi jáne aqsha aýdarymdaryn tólem kartochkasyn paıdalanýbaı júzege asyrýǵa nusqaýlar kelip túsken kezde klıenttiń bank shotynan klıenttiń nusqaýlaryn oryndaý avtorızasııa júrgizilgen jáne bank shotynda aqsha buǵattalǵan operasııalardyń somalaryn shegere otyryp, bank shotyndaǵy aqsha qaldyǵy sheginde júzege asyrylady. Ýákiletti memlekettik organdar nemese laýazymdy adamdar klıenttiń bank shotyndaǵy aqshaǵa tyıym salǵan nemese óndirip alýdy qoldanǵan, sondaı-aq klıenttiń bank shotyndaǵy aqshaǵa tyıym salýǵa nemese óndirip alýǵa quqyǵy bar ýákiletti memlekettik organdardyń nemese laýazymdy adamdardyń tıisti sheshimderi, sondaı-aq bank shoty boıynsha shyǵys operasııalaryn toqtata turýǵa quqyǵy bar ýákiletti memlekettik organdardyń ókimderi negizinde bank shottary boıynsha shyǵys operasııalaryn toqtata turǵan kezde, emıtentke ýákiletti memlekettik organdardyń nemese laýazymdy adamdardyń aqshaǵa tyıym salý nemese óndirip alý týraly sheshimderi kelip túsken kúnge jáne ýaqytyna deıin avtorızasııa júrgizilgen tólem kartochkasyn paıdalana otyryp jasalǵan tólem, sondaı-aq ýákiletti memlekettik organdardyń nemese laýazymdy adamdardyń aqshaǵa tyıym salý nemese óndirip alý týraly sheshimderi, sondaı-aq bank shottary boıynsha shyǵys operasııalaryn toqtata turýǵa quqyǵy bar ýákiletti memlekettik organdardyń ókimderi kelip túsken kúnge jáne ýaqytyna deıin jasalǵan, avtorızasııany júrgizbeı tólem kartochkasyn paıdalana otyryp jasalǵan tólemder klıenttiń bank shoty boıynsha kórsetilýge jatady.»; 40-tarmaq mynadaı redaksııada jazylsyn: «40. Klıent óziniń bank shotynda tólem kartochkasyn paıdalana otyryp tólemdi júzege asyrǵan kezinde jasalǵan tólem qujatyn oryndaý úshin qajetti aqsha somasyn qamtamasyz etedi. Qajetti aqsha somasyn qamtamasyz etý, eger bul olardyń arasynda jasalǵan shartta kózdelsa, emıtenttiń klıentke bergen banktik qaryzy esebinen de júzege asyrylady.»; 45-tarmaq mynadaı redaksııada jazylsyn: «45. Saýda cheginde mynadaı mindetti derektemeler: 1) qujat nómiri, ony jazǵan kúni, aıy, jyly; 2) kásipkerdiń nemese ekvaıerdiń ataýy (kody); 3) tólem somasy; 4) tólem valıýtasy; 5) tólemdi tólem kartochkalary júıesinde sáıkestendiretin avtorızasııa kody nemese basqa kod; 6) tólem júrgizý ýaqyty; 7) tólem kartochkasynyń derektemeleri qamtylady. Saýda chegine qosymsha derektemelerdi engizýge jol beriledi.»; 45-1-tarmaqtyń birinshi abzasy mynadaı redaksııada jazylsyn: «45-1. Salyqty nemese bıýdjetke tólenetin basqa da mindetti tólemderdi bankomattar ne ózge de elektrondyq termınaldar arqyly júzege asyrǵan kezde tólem kartochkasynyń ustaýshysyna beriletin saýda cheginde Qaǵıdalardyń 45-tarmaǵynda kórsetilgen derektemelerden basqa mynadaı qosymsha derektemeler qamtylady:»; mynadaı mazmundaǵy 45-2-tarmaqpen tolyqtyrylsyn: «45-2. Eger tólem kartochkasyn ustaýshy atalǵan tólemdi Tólem týraly zańnyń talaptaryna sáıkes, onyń ishinde derbes sáıkestendirý nómiriniń kómegimen sanksııalaǵan kezde nemese eger ózgeshe ekvaıermen jasalǵan shartta belgilenbegen jaǵdaıda, kásipker tólem kartochkasyn ustaýshynyń saýda chegine qol qoıýyn talap etpeıdi. Kásipker klıent tólem kartochkasyn paıdalana otyryp tólem jasaǵan kezde eger osy talap kásipker men ekvaıer arasynda jasalǵan shartta kózdelse, onyń jeke basyn kýálandyratyn qujatty odan talap etedi. Kásipker men ekvaıer arasyndaǵy shartta kásipker óziniń qyzmetin júzege asyratyn oryndarda klıent tólem kartochkasyn paıdalana otyryp tólem jasaǵan kezde onyń jeke basyn kýálandyratyn qujatty kásipkerge berý talaptary týraly klıentke arnalǵan aqparatty ornalastyrýdy qamtamasyz etetin talap qamtylady.»; 46-tarmaq mynadaı redaksııada jazylsyn: «46. Tólem kartochkasyn paıdalana otyryp jasalatyn valıýtalyq operasııalar bank shottary boıynsha valıýtalyq operasııalardy júrgizýge «Valıýtalyq retteý jáne valıýtalyq baqylaý týraly» 2005 jylǵy 13 maýsymdaǵy Qazaqstan Respýblıkasynyń Zańynda jáne Normatıvtik quqyqtyq aktilerdi memlekettik tirkeý tiziliminde № 7701 tirkelgen «Qazaqstan Respýblıkasynda valıýtalyq operasııalardy júzege asyrý qaǵıdalaryn bekitý týraly» Qazaqstan Respýblıkasy Ulttyq Banki Basqarmasynyń 2012 jylǵy 28 sáýirdegi № 154 qaýlysynda belgilengen talaptardy saqtaı otyryp júzege asyrylady.»; 5-taraý mynadaı mazmundaǵy 47-1-tarmaqpen tolyqtyrylsyn: «47-1. Ekvaıer naqty ýaqyt rejiminde ózine tıesili bankomattar jelisiniń jumysyna monıtorıng júrgizedi jáne olardy jumys jaǵdaıynda jáne iske qosylǵan kúıinde ustap turýdy qamtamasyz etedi. Naqty ýaqyt rejıminde bankomattar jelisiniń jumysyna monıtorıng júrgizý myna is-sharalardy qamtıdy: 1) arnaıy baǵdarlamalyq qamtamasyz etýdi qoldana otyryp, bankomattardyń jumysyn baqylaý; 2) bankomattardyń jumysyndaǵy irkilisterdi (tehnıkalyq aqaýlardy) jáne olardy paıdalaný prosesinde týyndaıtyn ózge de problemalyq ahýaldardy jedel anyqtaý; 3) bankomattardyń jumysyndaǵy irkilisterdiń (tehnıkalyq aqaýlardyń) jáne ózge de problemalyq ahýaldardyń (tehnıkalyq quraldar men baǵdarlamalyq qamtamasyz etýdiń qosylmaýy, baılanys arnasynyń buzylýy, qolma-qol aqshanyń, shyǵys materıaldarynyń (jýrnaldyq jáne chek taspasynyń) bolmaýy) sebepterine taldaý jasaý; 4) bankomattardyń jumysyndaǵy irkilisterdiń (tehnıkalyq aqaýlardyń) jáne ózge sıpattaǵy problemalardyń ýaqtyly joıylýyna monıtorıng; 5) bankomattardaǵy qolma-qol aqshanyń bolýyna jáne aqsha qaldyǵyna jáne olardyń qolma-qol aqshamen ýaqtyly toltyrylýyna monıtorıng; 6) bankomattardyń jumysyndaǵy irkilisterdi (tehnıkalyq aqaýlardy) anyqtaǵan jaǵdaıda ekvaıer bankomattardyń jumys isteý qabilettiligin qalpyna keltirý jáne bankomattardyń jumysyndaǵy tehnıkalyq aqaýlardy nemese ózge sıpattaǵy problemany týdyrǵan sebepterdi joıý boıynsha shuǵyl sharalar qabyldaıdy. Ekvaıer bankomattardyń jumysynda oryn alǵan irkilisterdiń (tehnıkalyq aqaýlardyń) barlyq faktileriniń jáne olardy anyqtaý jáne joıý kúni men ýaqytyn kórsete otyryp, olardy joıý ádisteriniń (tásilderiniń) esebin júrgizedi. Ekvaıerge tıesili bankomattarǵa mynadaı talaptar qoıylady: 1) bankomattarda derbes sáıkestendirý nómirin qaýipsiz (jasyryn) terýge arnalǵan jabdyq ornatylady; 2) bankomattarda klıenttiń túrin anyq tirkeýge múmkindik beretin keminde bir kamera ornatylady. Kamera tirkegen beıneler keminde kúntizbelik alpys kún saqtalady; 3) bankomattyń ishki baǵdarlamalyq qamtamasyz etýi vırýsqa qarsy baǵdarlamamen qorǵalady.»; 48-tarmaq mynadaı redaksııada jazylsyn: «48. Tólem kartochkasyn paıdalana otyryp tólemdi júzege asyrǵan jaǵdaıda jasalǵan tólem qujaty mynadaı jaǵdaılarda: 1) tólem qujaty Qaǵıdalarda belgilengen talaptardy jáne/nemese tólem qujattaryn jasaý jáne usyný tártibine arnalǵan sharttardyń talaptaryn buza otyryp jasalsa; 2) tólem qujatynyń jalǵan qujat belgisi bolsa; 3) tólem zańsyz bolsa; 4) tólem zańdy bola turyp, biraq tólem qujaty emıtentke tólem kartochkalary júıesine qatysýshylar arasynda jasalǵan sharttarda belgilengen talaptar buzyla otyryp berilse, oryndaýǵa qabyldanbaıdy.»; mynadaı mazmundaǵy 52-1-tarmaqpen tolyqtyrylsyn: «52-1. Emıtent klıent tólem kartochkasyn paıdalana otyryp operasııalardy júzege asyrmaǵan jáne emıtentke atalǵan fakt týraly habarlaǵan klıenttiń bank shotynan/bank shotyna aqshany qate alǵan nemese eseptegen kezde qate anyqtalǵannan keıin jıyrma tórt saǵat ishinde klıenttiń bank shotyndaǵy aqsha qaldyǵyn aqsha qate alynar nemese esepteler aldyndaǵy jaǵdaıǵa deıin qalpyna keltiredi.»; 56-tarmaq mynadaı redaksııada jazylsyn: «56. Tólem kartochkasyn paıdalana otyryp jasalǵan tólemder boıynsha kásipkerdiń paıdasyna kelip túsken aqshany ekvaıerdiń esepteý talaptary men merzimderi olardyń arasynda jasalǵan shartta belgilenedi. Eger osy shartta kásipkerge aqsha esepteý talaptary men merzimderi kózdelmese, ekvaıer kásipkerdiń paıdasyna aqsha túskennen jáne/nemese kásipkerdiń paıdasyna aqsha túskeni týraly úzindi-kóshirmeni alǵannan keıingi jumys kúninen keshiktirmeı aqshany kásipkerdiń shotyna esepteıdi.»; 60-tarmaq mynadaı redaksııada jazylsyn: «60. Tólem kartochkasynyń joǵalǵany, urlanǵany nemese sanksııalanbaı paıdalanylǵany týraly habar kúshine engennen keıin sanksııalanbaǵan tólem jasalǵan jaǵdaıda emıtent klıentke olardyń arasynda jasalǵan shartta kózdelgen tártippen sanksııalanbaǵan tólem jasaýǵa baılanysty shyǵyndardy óteıdi.»; mynadaı mazmundaǵy 63-1-tarmaqpen tolyqtyrylsyn: «63-1. Emıtent tólem kartochkalaryn paıdalana otyryp jasalatyn operasııalar boıynsha tıisti baǵdarlamalyq qamtamasyz etýdiń kómegimen ne emıtenttiń ishki qujattarynda kózdelgen ózge de tásilmen tólem kartochkalaryn paıdalana otyryp jasalǵan sanksııalanbaǵan operasııalardy anyqtaý boıynsha monıtorıng júrgizedi. Emıtenttiń prosessıng uıymyna olardyń arasynda jasalǵan sharttyń negizinde monıtorıng júrgizýdi tapsyrýyna jol beriledi.»; 67-tarmaq mynadaı redaksııada jazylsyn: «67. Emıtent mynadaı jaǵdaılarda: 1) tólem kartochkasynyń qoldanylý merzimi aıaqtalǵanda; 2) tólem kartochkasyn ustaýshynyń tólem kartochkasyn berý týraly shartta kózdelgen óz mindettemelerin oryndamaǵanda; 3) tólem kartochkasyn ustaýshy tólem kartochkasyn paıdalanýdan bas tartqanda; 4) tólem kartochkasyn berý týraly shartty buzǵanda tólem kartochkasyn ustaýshydan alyp qoıýyna jol beriledi.»; 68 jáne 69-tarmaqtar mynadaı redaksııada jazylsyn: «68. Tólemderdi tólem kartochkasyn paıdalana otyryp klıenttiń bank shoty boıynsha júzege asyrýdy rastaıtyn qujat saýda chegi nemese usyný tártibi tólem kartochkasyn berý týraly shartta aıqyndalatyn klıenttiń bank shoty boıynsha úzindi-kóshirme bolyp tabylady. Emıtent klıenttiń talap etýi boıynsha klıent kórsetken ýaqyt kezeńi úshin tólem kartochkasyn berý týraly shartqa sáıkes oǵan berilgen tólem kartochkasyn paıdalana otyryp jasalǵan tólemder týraly aqparatty qamtıtyn úzindi-kóshirmeni oǵan beredi. Úzindi-kóshirme qaǵaz tasymaldaǵyshta nemese elektrondyq tásilmen usynylady jáne onda mynadaı aqparat: 1) tólem kartochkasynyń nómiri qamtylady. Tólem kartochkalary júıeleriniń jáne jasalǵan sharttardyń talaptaryna sáıkes tólem kartochkasynyń nómirin tolyq kórsetpeýge jol beriledi; 2) esepti kezeńniń bastapqy jáne sońǵy kúni; 3) árbir tólemdi tólem kartochkasyn paıdalana otyryp júzege asyrý somasy men kúni; 4) tólem kartochkasyn paıdalana otyryp tólemderdi jasaǵany úshin klıentten ustalǵan komıssııalardyń mólsheri qamtylady. Úzindi-kóshirmede emıtent pen klıent arasynda jasalǵan shartta belgilengen qosymsha aqparattyń qamtylýyna jol beriledi. Klıentke úzindi-kóshirme tólem kartochkasyn berý týraly shartqa sáıkes aıyna bir ret óteýsiz beriledi. 69. Klıentke beriletin úzindi-kóshirmelerde emıtentti de aıqyndaıtyn derektemeler qamtylady.»; 70-tarmaq mynadaı redaksııada jazylsyn: «70. Belgili bir júıeniń tólem kartochkalaryn nemese jańa úlgidegi tólem kartochkalaryn shyǵarýdy bastaý nemese aıaqtaý kúninen bastap on jumys kúni ishinde emıtent bul týraly Ulttyq Bankti jazbasha túrde habardar etedi. Habarda mynalar kórsetiledi: 1) tólem kartochkalaryn shyǵarýdyń bastalǵan nemese aıaqtalǵan kúni; 2) tólem kartochkalary júıesiniń ataýy; 3) tólem kartochkasynyń túri (magnıttik jolaqpen, ıntegraldy mıkrosyzbamen, aralas nemese basqa).». 2. Tólem júıelerin damytý jáne basqarý departamenti (Musaev R.N.) Qazaqstan Respýblıkasynyń zańnamasynda belgilengen tártippen: 1) Quqyqtyq qamtamasyz etý departamentimen (Sarsenova N.V.) birlesip osy qaýlyny Qazaqstan Respýblıkasynyń Ádilet mınıstrliginde memlekettik tirkeýdi; 2) osy qaýlyny «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna; Qazaqstan Respýblıkasynyń Ádilet mınıstrliginde memlekettik tirkelgeninen keıin kúntizbelik on kún ishinde «Ádilet» aqparattyq-quqyqtyq júıesinde resmı jarııalaýǵa; Qazaqstan Respýblıkasynyń Ádilet mınıstrliginde memlekettik tirkelgennen keıin ony Qazaqstan Respýblıkasynyń Ulttyq Banki alǵan kúnnen bastap kúntizbelik on kún ishinde Qazaqstan Respýblıkasy normatıvtik quqyqtyq aktileriniń memlekettik tizilimine, Qazaqstan Respýblıkasy normatıvtik quqyqtyq aktileriniń etalondyq baqylaý bankine engizýge jiberýdi; 3) osy qaýly resmı jarııalanǵannan keıin ony Qazaqstan Respýblıkasy Ulttyq Bankiniń resmı ınternet-resýrsyna ornalastyrýdy qamtamasyz etsin. 3. Halyqaralyq qatynastar jáne jurtshylyqpen baılanys departamenti (Qazybaev A.Q.) osy qaýlyny Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde merzimdi baspa basylymdarynda resmı jarııalaýǵa jiberýdi qamtamasyz etsin. 4. Osy qaýlynyń oryndalýyn baqylaý Qazaqstan Respýblıkasynyń Ulttyq Banki Tóraǵasynyń orynbasary Ǵ.O. Pirmatovqa júktelsin. 5. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Ulttyq Bank Tóraǵasy D.AQYShEV Qaýly Qazaqstan Respýblıkasynyń Ádilet mınıstrliginde 2016 jylǵy 25 aqpanda Normatıvtik quqyqtyq kesimderdi memlekettik tirkeýdiń tizilimine №13229 bolyp engizildi.